UMETAKASWA KUPOKEA KIBALI.

MFULULIZO: AGANO LA UTAKASO.

SOMO: ESTA 2:15-18.

Kibali cha Mungu ndicho kinacho watenga watoto wake kupokea baraka, kupenya na heshima.

Zaburi 5:12, “Kwa maana wewe utam’bariki mwenye haki; Bwana utamzungushia radhi kama ngao.”

Radhi ni kibali, hivyo kibali ni baraka za Mungu kwa watoto wake kila siku.

• Kibali ndio mali na urithi ulio mkuu zaidi katika maisha ya waliokoka.
• Kibali si kitu tunaweza kununua au kupata kupitia mbinu za mwanadamu.
• Kibali kinatoka kwa Mungu. Kibali kinapoangukia mtu, milango inafunguliwa, itikadi zote zinavunjwa na hatima ya mtu inakamilika upesi.
• Kibali cha Mungu Maanake ni kwamba Mungu anataka upate baraka ambazo wengi hawawezi kueleza.
• Mahali watu wengi wanajaribu sana, kibali cha Mungu kinakuweka mahali unapokea mapokeo mema hata pasipo kuitimu, pasipo ujuzi haijalishi ulipotoka na maisha ya kale.
• Kibali cha Mungu kilimteua Yusufu kule Misri, Esta kule Uajemi na Danieli kule Babeli.
• Kama watoto wa Mungu hatujaitwa kuishi kwa kazi pekee, lakini kwa kibali cha Mungu.
• Kibali cha Mungu kitakupeleka mbali bila elimu na juhudi nyingi.
• Kibali cha Mungu kitakuleta karibu mbele za Wafalme.
• Kibali cha Mungu kitakutoa kwa aibu na kukuweka katika utukufu.
• Katika ujumbe wa leo, tutaona jinsi Mungu anawapa watu baraka. Tutaona jinsi Mungu anawaweka watu wake mahali pa kibali kila mara.
• Hebu tutazame:-

KIBALI NI KIPAWA KUTOKA KWA MUNGU.

• Kibali hakiwezi kufanyiwa kazi, kalini kibali kinapeanwa na Mungu kupitia neema na rehema zake.
• Kibali ni kazi ya mapenzi ya Mungu na ahadi za Agano lake na watu wake.

1. Kibali ni uchaguzi wa Mungu-Warumi 9:15.

• Mungu anawaonyesha watu wake rehema na kibali kulingana na mapenzi yake.
• Kibali cha Mungu hakiwezi kueleweka na wanadamu.

2. Kibali kinakutenga na umati wa watu.

• Nuhu alipata kibali na neema kwa Mungu, hivyo Nuhu hakuangamia na watu wa kizazi chake-Mwanzo 6:8.

3. Kibali ni ngao ya ulinzi-Zaburi 5:12.

• Mungu anawazingira watu wake na kibali huku akiwatenga na uaribifu na aibu.

4. Kibali kinaleta baraka zaidi ya kazi-Mhubiri 9:11.

• Wakati na bahati (kibali) zinafanyika kwa wote, kinawainua wengine juu ya dhiki zao.
• Yusufu alipewa kibali katika nyumba ya Potifa mpaka kupandishwa kuwa waziri mkuu Misri-Mwanzo 39:21.

KIBALI KINAMPANDISHA MTU CHEO.

1. Kibali kinamfanya na kumtenga mtu na kumpandisha cheo. Hata wakati hauna matumaini na pia wakati hauna ujuzi wakutosha-Mithali 22:29.

• Ujuzi ni mzuri lakini kibali kinakupandisha na kukuweka mbele ya Wafalme na wenye nguvu.

2. Kibali kinavunja itikadi zote—Esta 2:17.

• Esta alikuwa mgeni lakini akapata kuwa malkia kwa kibali. Vikwazo vyote viliondolewa na kile kibali cha Mungu.

3. Kibali kinakufanya utambulike na watu.

• Danieli alipata kutambulika na mfalme na kupendwa na wakuu wa Babeli mpaka hatima yake ikatimia-Danieli 1:9.

4. Kibali kina harakisha sana hatima ya watu-1 Samweli 16:22.

• Daudi alipendwa na mfalme Sauli kwa sababu ya kibali.
• Esta naye alipata kuwa malkia si kwa sababu ya urembo pekee lakini kibali cha Mungu kilimteua na kumleta mbele ya mfalme.

KIBALI KINALETA MAGEUZI YA MUNGU.

• Kibali cha Mungu kinapokuwa juu yako Mungu anabadilisha historia yako na kuondoa Kumbukumbu ya mabaya yote uliyopata hawali.

1. Kibali kinageuza kilio kuwa furaha-Zaburi 30:5, “Kilio huja kukaa usiku, lakini asubuhi huwa furaha.”
2. Kibali urejesha miaka iliyopotea-Yoeli 2:25-26.
   • Kibali cha Mungu urejesha kilicho ibiwa, kilicho potea na kilicho haribika.
   • Kibali kinajaza mtu na uzima na mali tele tele.
3. Kibali kinanyamazisha adui wote na upinzani-Kutoka 12:36.

• Wana wa Israeli walitoka Misri na mali nyingi, Mungu aliwapa Wamisri hisani kuu, kuwapendelea Waisraeli.

4. Kibali kinavunja vizuizi na kudhibitiwa-Luka 1:30.

• Vidhibiti vilivyokuwa mbele ya Mariamu viliondolewa na kile kibali cha Mungu alichopokea.
• Ruthu mzaliwa wa Moabu alipata kibali Israeli mbele ya macho ya Boazi-Ruthu 2:10.
• Mungu alim’bariki Ruthu kutoka ujane na kuingia katika jamii na vizazi vya Mwokozi Yesu Kristo.

JINSI YA KUJIWEKA KATIKA PAHALI PA KUPOKEA KIBALI CHA MUNGU.

• Hata ingawa kibali ni kipawa kutoka kwa Mungu ni lazima kujiweka katika mahali pa kupokea kibali cha Mungu kupitia imani, utii na uaminifu.

1. Ishi katika haki-Zaburi 84:11.
2. Uwe mwaminifu kwa mambo madogo, uaminifu utavuta kibali cha Mungu-Luka 16:10.
3. Tembea katika utii siku zote-Kumbu Kumbu 28:1.
4. Uwe mtu wa maombi na matarajio-Zaburi 102:1-4.
   • Kornelio kwa maombi, utii na kutoa sadaka na zaka kulivuta kibali cha Mungu kwa maisha yake na jamii yake-Matendo 10:1-4.

MWISHO

• Kutengwa na kupokea utakaso ni pamoja na utii, uaminifu na imani.
• Kibali cha Mungu ndicho kinaleta kutambulikana, kukumbukwa, kupandishwa cheo na maisha ya kupenya.
• Kibali cha Mungu kinaputa kazi, ujuzi, kujulikana na kipawa na elimu.
• Hivyo, tafuta sana kibali cha Mungu usitegemee kazi, watu, ujuzi na elimu pekee.
• Mungu anapokutakasa anakutenga kupokea kibali chake. Hakuna mwanadamu, “system” au shetani anaye weza kupinga kuinuliwa kwako.